د اسلام په ضد په سیاسی اورسندوئي یرغلونو باندې د پاریس د اعظم جومات د مسئولانو سخت اعتراض
ایکنانیوز د النهار له قوله راپور راکړ،د پاریس اعظم جومات مسئولانو د اسلام په ضد پر هغو سیاسی او رسندوئي پروپیګنډو او یرغلونو باندې چې په وروستیو څو میاشتو کې په فرانسې کې زیات شوي دي،د پاریس د اعظم جومات د شورا په ناستې کې په سخته محکوم کړي دي.
د پاریس اعظم جومات د یوې اعلامیې په خپرولو سره دې ته په اشارې سره چې په وروستیو انتخاباتو کې په مسلمانانو او اسلام باندې د سیاسی او رسیندوئي یرغلونو زیاتیدا د دوي اندیښنې ډيرې زیاتې کړي دي، ټينګار کړی دی چې سیاستوالان او خبریالان او لیکوالان په مختلفو موضوعګانو کې د اسلام د دستوراتو د سطحي تحلیل بیانولو ته مخه کوي.
ددغه جومات په اعلامیې کې وئیل شوي د ي، په سیاسی او رسیندوئي خبرو کې د اسلام له بشپړ نظام څخه ناوړه استفاده غالبا منفی ده او دا چاره اسلامی اورګانونه مجبوروي چې په دغو بحثونو کې دخالت وکړي.
په همدې خاطر د پاریس اعظم جومات مسئولان له سیاسی رهبرانو غواړي څو د خپل صلاحیّت پر حوزو په تمرکز سره دې دغې ژمنتیا ته د احترام په سترګه وګوري. په خپرې شوي اعلامیېې کې ټینګار شوی دی؛ په دغه سخت پړاؤ کې چې د فرانسې دجمهوریت انساني ارزښتونه دامتحان په حال کې دي، د مونږ په ښاریزو کې د بې اعتمادئ او ویرې څپه په پراختیا ده.دغه وضعیّت پر مسلمانانو هم اغیزې شیندي ،مونږ له اسلامه د پوهې د زیاتیدا غوښتونکي یوو.
په دغې اعلامیې کې همداراز راغلي دي، یوازینی فعال ګډون په تیره بیا د راې ورکولو له لارې فعال ګډون، لامل کیږي، د و ګړو غږ واوریدل شي. هر ښاریز د ا توانمني لري چې دیوې عادلانه او محترمانه ټولنې په جوړولو کې ګډ،ن وکړي.
د پاریس اعظم جومات د شورا د اعلامیې په پاي کې ټينګار شوی دی، مونږ د متقابل احترام غوښتونکي یوو او له سیاستوالانو غواړو د اسلام او مسلمانو په باب له وسواس څخه لاس واخلي او د ټولنې په وړاندې پر واقعي چیلنجونو او مشکلاتو دې تمرکز وکړي.
